20 March 2018
Komisioni i Pavarur i Mediave (KPM) më 12 mars 2018, mbajti mbledhjen e tretë të rregullt për vitin 2018.
Komisioni miratoi agjendën dhe pastaj procesverbalin nga mbledhja e kaluar.
Mbledhja vazhdoi me shqyrtimin e disa rasteve të licencimit nga ana e Komisionit, respektivisht rekomandimet për ndryshim të kanaleve për: RTK, KTV dhe RTV 21.
Komisioni diskutoi për këto raste dhe erdhi në përfundim se të tria rekomandimet për ndryshim të frekuencave janë në pajtim procedurat dhe kriteret ligjore të KPM-së prandaj vendosi si më poshtë:
- Miratohet rekomandimi për të ndryshuar frekuencën CH7 të RTK 1, duke vazhduar transmetimin e programeve në kanalin CH10 nga maja e Cërrnushës.
- Miratohet rekomandimi për të ndryshuar frekuencën CH44 të KTV, duke vazhduar transmetimin e programeve në kanalin CH28 nga maja e Cërrnushës
- Miratohet rekomandimi për të ndryshuar frekuencën CH 48 të TV 21, duke vazhduar transmetimin e programeve në kanalin CH 35 nga maja e Cërrnushës.
KOMISIONI I PAVARUR I MEDIAVE