17 September 2021
Në vazhdën e takimeve regjionale që është duke organizuar Komisioni i Pavarur i Mediave me të licencuarit e KPM-së, më 16 shtator 2021 KPM ka mbajtur me mediat në regjionin e Gjilanit dhe Ferizajt.
Edhe në këtë takim është prezantuar legjislacioni lidhur me procesin e zgjedhjeve lokale 2021, përkatësisht obligimet e mediave sipas Kreut VIII të Ligjit për Zgjedhje dhe akteve nënligjore të KPM-së si dhe Rregullores 2013/03 për mbrojtjen e fëmijëve dhe të miturve në shërbimet mediale audiovizuele.
Sa i përket legjislacionit aktual i cili rregullon funksionimin e mediave në Republikën e Kosovës për pjesën e zgjedhjeve, u prezantuan Udhëzuesi i KPM-së për Zgjedhje, Kodi e Etikës dhe Rregullorja për mbrojtjen e fëmijëve dhe të miturve në shërbimet mediale audiovizuele dhe Kreu VIII i Ligjit për Zgjedhjet.
Fokusi i diskutimeve në këtë takim ishe tek programacioni gjatë fushatës zgjedhore, respektivisht përfaqësimi në mënyrë të drejtë dhe të paanshme i subjekteve politike në emisione, qasja e drejtë dhe e paanshme e subjekteve politike në programet me diskutime politike dhe debate, përmbajtjen e komunikimeve komerciale politike gjatë fushatës zgjedhore, raportimin në mënyrë të drejtë, korrekte, objektive dhe të paanshme. Në takim u sqarua edhe se kohëzgjatja e pikës reklamuese politike koha e emetimit me pagesë dhe pa pagesë dhe se mediat nuk janë përgjegjës nëse subjektet politike nuk e shfrytëzojnë kohën e ofruar. Sa i përket heshtjes zgjedhore u cek se ndalohet transmetimi ose publikimi i çfarëdo materiali që i takon aktivitetit të fushatës (24 orë para hapjes së vendvotimeve deri në mbylljen zyrtare të vendvotimeve), ndërsa ndalohet publikimi ose transmetimi i rezultateve të hulumtimit të opinionit publik, duke përshirë daljen në votime (24 orë para mbylljes zyrtare të vendvotimeve dhe deri në përmbylljen e procesit zgjedhor. Gjatë fushatës zgjedhore mediat duhet të mirëmbajnë një ditar për të regjistruar kohën e emetimit, dhe ekspozimeve tjera të mediave, për reklamim me pagesë dhe pa pagesë, të aktiviteteve të fushatës për secilën subjekt politik.
Ndërsa sa i përket mbrojtjes së fëmijëve dhe të miturve në media u fol për sponsorizimin e programeve për fëmijë dhe vendosjen e produkteve, mbrojtjen në përgjithësi të fëmijëve dhe të miturve nga përmbajtjet e dëmshme programore, sinjalizimi akustik dhe paralajmërimi si dhe kohën e lejuar të transmetimit dhe mënyrën e kategorizimit të programeve për të mitur.
Komisioni i Pavarur i Mediave